Mientres la Guerra Fría, el Bloque del Este, tamién llamáu bloque soviéticu, bloque comunista, bloque oriental, bloque socialista y campu socialista, foi'l conxuntu de países socialistes n'Europa Central y del Esti lideráu pola Xunión Soviética y engarráu al Bloque Occidental, integráu principalmente polos Estaos Xuníos y Europa Occidental.
Esistió ente'l final de la Segunda Guerra Mundial (1945) y el fin de la Guerra Fría cola disolución oficial del Pactu de Varsovia, aceptada pola Xunión Soviética, na xunta de Praga el 1 de xunetu de 1991. Finalmente la mesma Xunión Soviética dexó d'esistir como país el 25 d'avientu de 1991.
Del llamáu bloque socialista formaben parte los países del centru y este d'Europa (por ello'l nome 'Bloque del Este'), al este del Cortina de Fierro (sacante Yugoslavia), venceyaos económicamente pol Conseyu d'Ayuda Mutua Económica (COMECON) y militarmente pol Pactu de Varsovia.[1][2][3]
© MMXXIII Rich X Search. We shall prevail. All rights reserved. Rich X Search